Pse të marrësh pjesë në një kurs apologjetike?

“Nëse një kulturë arrin pikën ku pretendimet e krishtera nuk janë as pjesë e strukturës së saj të besueshmërisë, gjithnjë e më pak njerëz do të jenë në gjendje të t’i pranojnë ato si të vërteta. Kjo është arsyeja pse apologjetika është kaq vendimtare për ungjillëzimin. Apologjetika synon të krijojë një strukturë besueshmërie në mendjen e një personi, ose “kushte të favorshme”…në mënyrë që Ungjilli të mund të pranohet si i vërtetë nga ai person.”

J.P. Moreland, PhD

Sot, 30 vite pas rënies së komunizmit, të korrat e gatshme nuk duket se janë grupi më i madh i shqiptarëve. Ka një grup në rritje njerëzish të cilët nuk janë gati të marrin një përkushtim për të besuar dhe ndjekur Krishtin kur dëgjojnë Ungjillin, sepse ata kanë keqkuptime ose kundërshtime ndaj krishterimit.

Pa dyshim, ne besojmë se është Shpirti i Shenjtë Ai që i tërheq njerëzit te Perëndia. Megjithatë, Ai përdor njerëzit dhe artin e tyre të bindjes në ungjillizim. Tek Veprat e Apostujve ne shikojmë se si Pali, i mbushur me Shpiritn e Shenjtë, përdorte qasje të ndryshme në ungjillëzim kur takonte audienca të ndryshme, në mënyrë që të bënte Ugjillin sa më të kuptueshëm. Ai foli ndryshe me hebrenjtë me zemër të hapur në Berea dhe ndryshe me filozofët skeptikë grekë në Athinë.

A janë besimtarët në kishat tona lokale të trajnuar mjaftueshëm për të përballuar këto sfida në ungjillëzim dhe ta përshtasin qasjen në varësi të audiencës? Unë besoj se në bashkësitë tona ne kemi shumë vëllezër dhe motra që ndoshta dinë mjaft mirë të artikulojnë atë çka besojnë, por jo aq mirë se pse e besojnë dhe si të përgjigjen kur pyeten për shpresën që kanë në Krishtin (1 Pjetrit 3:15).

IFCE të fton të marrësh pjesë në Kursin e Apologjetikës në mënyrë që të mësojmë së bashku për një nga thirrjet më të rëndësishme të krishterit dhe aq të nevojshme në një kulturë skeptike si kjo e jona!